PUBG

PUBG, Steam

Why Kwee hates PUBG

(ယခု စာသည် ကွီးနှင့် PUBG အကြောမတည့်ကြောင်း ရေးသားထားသော စာဖြစ်ပြီး PUBG ကို ကစားနေသူများ stream နေသူများနှင့် ပင်မဂိမ်းကို စော်ကားလိုသော ရည်ရွယ်ချက်မရှိပါ)။
 
ကွီးတို့က Multiplayer Game ကို ပထမဆုံးစဆော့ဖူးတာ Counter Strike…
 
အဲ့တုန်း PC Lan ဆိုင်ဆိုတာ မရှိသေး… MICT Park ထဲမှာ ကွန်ပျူတာပြပွဲလုပ်တုန်းက PC တွေကို LAN ချိတ်ပြီး အဲလိုဆော့လို့ရတယ်ဆိုပြီးပြထားတာ… အဲတာဆော့ဖို့တောင် တန်းစီရတယ်…
 
ပြောချင်တာက စဆော့တဲ့ Game က ကျည်ဆံတွေ၊ ဘာတွေ ညာတွေကို ကံအားကိုးနဲ့ရတာမျိုး… ကံကောင်းပြီးတော့ zone ထဲကနေ စောင့်နေတာမျိုးမဟုတ်ဘူး…
မင်းလည်း သေနတ် ငါလည်း သေနတ် ဒဲ့ပစ်ပြီး ဆော့ကြတာ… ၁ ယောက်ထဲကျန်နေပြီး ပွဲမပြီးရင်တောင် သိပ်ပြီး စောင့်ချင်ကြတာမဟုတ်ဘူး… သေသေ နိုင်နိုင် နောက်တပွဲချက်ခြင်း ပြန်စတာ… အပစ်ချည်းပဲ ၁ လိုင်း 🔥
 
PUBG ရောက်တော့ အဲလိုမဟုတ်တော့ဘူး…
 
ကံကောင်းရင် သေနတ်ရမယ်… သေနတ်မှာတောင် ကံနဲ့… လွယ်အိတ်ကအစ Helmet အထိ အကုန်ကံ၊ ရောက်တဲ့နေရာလည်းကံကောင်းရင် ထိုင်စောင့်နေရုံ ကံမကောင်းရင်တော့ စကထဲက ပြေးနေရတာ… ၁၀ မိနစ်လောက်ပြေး… အဲ့မှာ ကံကောင်းပြီး ဇုံထဲရောက်ပြီး scope တွေ သေနတ်တွေ အပြည့်နဲ့ ထိုင်စောင့်နေတဲ့သူက ဆွဲစားသွားတယ်… 🤣
 
အဲတော့ ၁ ပွဲက ၂ ပွဲ ၂ ပွဲကနေ ၃ ပွဲ တောင်ပြေးမြောက်ပြေးဟိုကောက် ဒီကောက် အချိန်တန် သူများ ဆွဲစား သေနတ်တောင် မပစ်လိုက်ရတွေဖြစ်ကုန်​တော့… Game ကame လို ဆော့ချင်တဲ့ ကိုယ်တွေနဲ့ ကီးမကိုက်တော့ဘူး…
 
ဂိမ်းကို မဆော့လို့ စကေးညံ့တာက ညံ့တာပဲ 😁… ဂိမ်းကို ဂိမ်းလို မဆော့ပဲ ပစ္စည်းရှာပြီး လိုက်ပြေးနေရတာကို ကြာလာတော့ စိတ်မရှည်နိင်တော့ဘူး…
 
နောက်ပြီးတော့ counter ကို အမြန်ပြန်စတာဆို ကိစ္စမရှိ… Starting time ဆိုပြီး စောင့်ရတာနဲ့ ဆင်းနေတာနဲ့ မပြီးတော့ဘူး… အောက်ရောက်ပြီး ပစ်ချင်လို့ ဆင်း ငမွဲအိမ်ထဲဝင်မိရင် ဘာမမရ လက်ဗလာနဲ့ အရှေ့က ကံကောင်းပြီး သေနတ်ရထားတဲ့သူက အသာလေး ပစ်သွား… နောက်တပွဲစဖို့ ကိုယ်တွေလူက အသေခံပေးမယ်ဆိုရင်တောင် စောင့်ပေတော့ ၇ မိနစ်လောက် အနည်းဆုံး….
 
P-Dota Gaming ကြီး ပြောလို့ PUBG ဆော့မိတာပါ… (အပေါင်းအသင်းမှားတယ်ဆိုတာ အဲတာပဲ 😁)
 
ညက ၃ ပွဲဆက်တိုက် သေနတ်တောင်မပစ်လိုက်ရပဲ ပစ္စည်းတွေလိုက်ကောက်… အချိန်တန် Zone လွတ်အောင်ပြေး… Weapon သာတဲ့သူက ကောက်စားသွားတွေဖြစ်လို့ လောင်ပြီး Uninstall လိုက်တယ်လေ… 😄
 
အဲဒီ့ မိနစ် ၂၀ လောက် ပစ္စည်းကောက် သေတော့ ၁၀ စက္ကန့်ဆိုတဲ့ Game-play ကြီးကို ကြာလာတော့ သီးမခံနိုင်တော့ဘူး…
 
ကိုယ်တွေက Counter တို့ Battlefield တို့ လိုမျိုး မနားတန်း ပစ်ခတ်နေတဲ့ ဂိမ်းတွေမှာ ပိုပျော်မွေ့တာဆိုတော့ Game ထက် ကံကိုပိုအသားပေးတဲ့ Battle Royale တွေထက် မကြောက်မရွံ့ဒဲ့ပစ်ရတဲ့ Game တွေကိုပဲ စိတ်ချမ်းသာစွာနဲ့ ဆောတော့မှာဖြစ်ပါကြောင်း… 🥳
Huawei New Year Championship 2018 - Gaming Kwee
Competition, Mobile Gaming, PUBG

PUBG Mobile ပြိုင်ပွဲကြီးတစ်ခုဖြစ်မယ့် Huawei New Year Championship 2018 ကို ပြုလုပ်တော့မယ်…

ကမ္ဘာအဝှမ်း လူကြိုက်များလျက်ရှိတဲ့ PUBG မိုဘိုင်းဂိမ်းကို မြန်မာနိုင်ငံက Player တွေအတွက် Huawei New Year Championship 2018 ပြိုင်ပွဲ ကြီး ကျင်းပပေးသွားမှာဖြစ်တယ်လို့ Huawei ကနေတဆင့် သိရပါတယ်။

အခု ကျင်းပမယ့် Huawei New Year Championship 2018 ပြိုင်ပွဲကြီးကို Huawei နဲ့ Game Cast Network Myanmar တို့ ပူးပေါင်းပြီး ကျင်းပသွားမှာဖြစ်ပြီး မြန်မာနိုင်ငံတွင် နေထိုင်သူ မည်သူမဆို အခမဲ့ဝင်ရောက်ယှဉ်ပြိုင်နိုင်မည်ဖြစ်ပါတယ်။ ပြိုင်ပွဲဝင်ခွင့်လျှာက်လွှာတွေကို ဒီဇင်ဘာ ၁၉ရက်ကနေ ၂၂ ရက်အထိ အွန်လိုင်းမှတစ်ဆင့် Google Form ကို အသုံးပြပြီး လျှောက်ထားနိုင်မှာဖြစ်ပါတယ်။

ပြုလုပ်တဲ့ရည်ရွယ်ချက်ကတော့ PUBG ဂိမ်းကို မြန်မာနိုင်ငံမှာ နှစ်ခြိုက်စွာကစားသူဦးရေ များပြားလာတာနဲ့ အညီ ကျွမ်းကျင်တဲ့PUBG Mobile အသင်းတွေ ပေါ်ထွက်လာဖို့နဲ့ နိုင်ငံတကာပြိုင်ပွဲများမှာ မြန်မာနိုင်ငံကိုယ်စားပြုအသင်းအဖြစ် ဝင်ရောက်ယှဉ်ပြိုင်နိုင်ဖို့ ရည်ရွယ်ပြီး Huawei New Year Championship 2018 ပြိုင်ပွဲကြီးကို ကျင်းပတာဖြစ်ပြီး ပြိုင်ပွဲမှာ
အနိုင်ရရှိသတဲ့ ကစားသမားများကို စုစုပေါင်း အမေရိကန်ဒေါ်လာ ၅၀၀၀ (မြန်မာငွေကျပ် ၇၅သိန်းခန့်) ချီးမြင့်ပေးအပ်သွားမည်ဖြစ်ပါတယ်။

Huawei Device Myanmar မှ Marketing Director ဖြစ်တဲ့ မခင်ရတနာဝင်းက “အွန်လိုင်းဂိမ်းတွေကို နှစ်သက်ကြသူတိုင်းအတွက် ရည်ရွယ်ပြီး ဖန်တီးထားတဲ့ Huawei Nova Series ဖုန်းတွေက PUBG ဂိမ်းနဲ့အတူ လူကြီး၊ လူငယ်တွေအကြားမှာ လူကြိုက်များလာနေပါပြီ။ ဂိမ်းကစားရတာကို ကြိုက်နှစ်သက်သူတွေအတွက် ပိုမိုကောင်းမွန်တဲ့ ဂိမ်းကစားခြင်းအတွေ့အကြုံတွေကို ပေးအပ်နိုင်ဖို့ Huawei ကနေ ဖန်တီးထားတဲ့ GPU Turbo ကို Huawei Nova 3 နဲ့ 3i တို့မှာ ထည့်သွင်းပေးထားတာကြောင့် PUBG ဂိမ်းကစားတဲ့အခါမှာလည်း ထစ်ငေါ့ခြင်းမရှိဘဲ စိတ်တိုင်းကျ ကစားနိုင်လို့ သုံးစွဲသူတွေ ကျေနပ်နှစ်သက်ကြမယ်ဆိုတာ ယုံကြည်ပါတယ်။ PUBG Player တိုင်း ရင်ခုန်စိတ်လှုပ်ရှားစေမယ့် အခုလို ဂိမ်းပြိုင်ပွဲကြီးကိုလည်း Huawei New Year Championship 2018 ကတစ်ဆင့် ယူဆောင်လာပေးလိုက်နိုင်ပါပြီ။ ဒီပြိုင်ပွဲကြီးကနေတစ်ဆင့် နိုင်ငံတကာပြိုင်ပွဲတွေအထိ တက်လှမ်းနိုင်အောင် အားသွန်ခွန်စိုက် ကြိုးစားယှဉ်ပြိုင်ကြဖို့ တိုက်တွန်းချင်ပါတယ်။ အခုလို အစီအစဉ်မှာ ပါဝင်ခွင့်ရတဲ့အတွက်လည်း အရမ်းကို ဂုဏ်ယူမိပါတယ်။ Huawei အနေနဲ့လည်း အွန်လိုင်းဂိမ်းကို နှစ်သက်ကြတဲ့ သုံးစွဲသူတွေ ပိုမိုစိတ်ကျေနပ်မှုရှိစေဖို့ နည်းပညာ တီထွင်ပံ့ပိုးမှုတွေ ဆက်လက်ဆောင်ရွက်သွားမှာ ဖြစ်ပါတယ်” ဟု ပြောကြားခဲ့ပါတယ်။

Game Cast Network Myanmar ရဲ့ Senior Administration ဖြစ်သူ ကိုစိုးမိုးအေးကလည်း ”ယခုကျင်းပတဲ့ PUBG Mobile ပွဲက ကျွန်တော်တို့အတွက် ဒီ Game နဲ့ ပတ်သက်တဲ့ ပထမဆုံး ခြေလှမ်းပါ။ ပထမဆုံး ဆိုပေမယ့်လို့ ပြိုင်ပွဲကြီးတစ်ခုလုံးကို နိုင်ငံတကာ စံချိန်၊ စံညွှန်းတွေနဲ့အညီ ကျင်းပ ပြုလုပ်ပေးထားပါတယ်။ Main Event မှာဆိုရင်လည်း လက်ရှိ မြန်မာနိုင်ငံရဲ့ Esports ပြိုင်ပွဲတွေထဲမှာမှ  Player အများဆုံး On stage ဆော့မယ့် အကြီးဆုံး ပွဲတစ်ခုဖြစ်အောင် ပုံဖော်ထားပါတယ်။ PUBG Mobile နဲ့ ပတ်သက်လို့ Professional Team တွေ ဒီပွဲကနေစပြီး ပေါ်ထွက်လာဖို့လည်း မျှော်လင့်ပါတယ်။ ဒီလို ကျွန်တော်တို့ရဲ့ PUBG Mobile နဲ့ ပတ်သက်လို့ ပထမဆုံး ခြေလှမ်းမှာတင် ယုံကြည်ပြီး လက်တွဲပေးတဲ့ Huawei ကိုလည်း ကျေးဇူးအထူးတင်ပါတယ်” ဟု ပြောကြားခဲ့ပါတယ်။

ပြိုင်ပွဲ၏ အစောပိုင်း Qualifier ပွဲစဉ်များကို လေးခုခွဲ၍ ကျင်းပသွားမှာဖြစ်ပြီး Qualifier တစ်ခုစီမှာ အသင်း ၂၅ သင်းက ပါဝင်ယှဉ်ပြိုင်ကြမည်ဖြစ်ပါတယ်။ ရန်ကုန်မြို့မှာ နေထိုင်သူများ ပါဝင်ယှဉ်ပြိုင်ကြမည့် Qualifier 1,2 နှင့် 3 တို့ကို ဒီဇင်ဘာလ ၂၄၊ ၂၅၊ ၂၆ ရက်နေ့တွင် ကျင်းပသွားမှာဖြစ်ပြီး တခြားသောမြို့နယ်တွင် နေထိုင်သူတွေ ပါဝင်ယှဉ်ပြိုင်ကြမယ့် Qualifier 4
ကို ဒီဇင်ဘာ ၂၆ ရက်နေ့မှာ အွန်လိုင်းပြိုင်ပွဲအနေနဲ့ ကျင်းပသွားမှာဖြစ်ပါတယ်။ Qualifier တစ်ခုစီမှာ အနိုင်ရရှိတဲ့ အသင်း ၄သင်းက ဒီဇင်ဘာလ ၃၁ ရက်နေ့ Junction City မှာ ကျင်းပမည့် Grand Final မှာ ပါဝင်ယှဉ်ပြိုင်ခွင့်ရရှိမှာ ဖြစ်ပြီး Qualifier 4 က တက်ရောက်တဲ့ အသင်းတွေအတွက် ရန်ကုန်မြို့ကို စရိတ်ငြိမ်း ခေါ်ယူယှဉ်ပြိုင်ကစားစေမှာဖြစ်ပါတယ်။ Grand Final ပြိုင်ပွဲကြီးမှာ အနိုင်ရရှိတဲ့ ချန်ပီယံအသင်းက အမေရိကန်ဒေါ်လာ ၃၀၀၀၊ 1st Runner Up က အမေရိကန်ဒါ်လာ
၁၀၀၀၊ 2nd Runner Up က အမေရိကန်ဒေါ်လာ ၅၀၀၊ 3rd Runner Up က အမေရိကန် ဒေါ်လာ ၃၀၀ နဲ့ 4th Runner Up က အမေရိကန်ဒေါ်လာ ၂၀၀ အသီးသီး ချီးမြှင့်သွားမှာဖြစ်ပါတယ်။

ပြိုင်ပွဲကာလတစ်လျှောက် သတင်းအချက်အလက်များနှင့် ပွဲစဉ်များ၊ အချိန်နှင့်တပြေးညီ တိုက်ရိုက်ထုတ်လွှင့်မှုများကို Huawei Myanmar ရဲ့ တရားဝင် Facebook စာမျက်နှာဖြစ်တဲ့ https://www.facebook.com/huaweitechmm နဲ့ Game Cast Network Myanmar ၏ Facebook စာမျက်နှာဖြစ်တဲ့ https://www.facebook.com/gcnmyanmar/ မှာ ဝင်ရောက်ကြည့်ရှုနိုင်ပါတယ်။

Register ပြုလုပ်ဖို့ – https://bit.ly/2QDvy23
စည်းမျဉ်းစည်းကမ်းတွေ – https://bit.ly/2A4GPhu

Competition, Gaming, PUBG, Technology

ဂိမ်မှာမှန်ရင် အိမ်မှာမနေသင့်တဲ့ ဒီဇင်ဘာလ ၉ ရက်နေ့

တစ်ကယ်ကြီးပါ… ဒီနှစ် ဒီဇင်ဘာလ ၉ ရက်နေ့ (တနင်္ဂနွေနေ့) မှာ မြန်မာနိုင်ငံက ဂိမ်မာတွေ အိမ်မှာ ကပ်ပြီးမနေသင့်ပါဘူး…  ဘာလို့လဲဆိုတော့ ဂိမ်းနဲ့ပတ်သက်တဲ့ ပွဲကြီး ၂ ပွဲကို ၂ နေရာမှာ လုပ်နေလို့ပါ။

ပထမပွဲက GeForce Cup Myanmar PUBG Tournament (PC) ပြိုင်ပွဲကြီးဖြစ်ပြီး ဖြစ်ပြီး NVIDIA GeForce Myanmar နှင့် Colorful Technology တို့နှင့် ပူးပေါင်းပြီး ကျင်းပနေတာဖြစ်ပါတယ်။ ခါတိုင်းပြိုင်ပွဲတွေနဲ့ မတူပဲ ထူးခြားတာက ပထမရရှိတဲ့ အသင်းက တစ်ဦးစီကိုကာလတန်ဖိုး ၇ သိန်းထက်မနည်းတဲ့ဆုတွေကိုရရှိမယ့်အပြင် မြန်မာနိုင်ငံကိုယ်စားပြုအနေနဲ့ တရုတ်ပြည်မှာ ကျင်းပမယ့် Colorful Gaming Union (CGU) မှာ နေစရိတ် သွားစရိတ်ငြိမ်း sponsor နဲ့ပေးမှာမို့လို့ တော်တော်ကြီးကို အကြိတ်အနယ်ရှိမှာဖြစ်မယ့်ပွဲမို့လို့ PUGB သမားတွေ မဖြစ်မနေ သွားရောက်အားပေးသင့်ပါတယ်။

ပွဲလုပ်မယ့်နေရာက OX Esport Center ဖြစ်ပြီး လိပ်စာက အမှတ် (321), ရတနာလမ်း၊ တောင်ဥက္ကလာ ရန်ကုန် ဖြစ်ပြီး ပွဲကို မနက် ၉ နာရီကနေ စမှာဖြစ်ပြီး  နောက်ဆုံးပွဲက နေ့လည် ၂ နာရီ မှာစမှာ ဖြစ်ပါတယ်။ ဆုပေးပွဲကတော့ ညနေ ၄ နာရီပါ။ 

ဒီနေရာပါ

 

ဒုတိယပွဲကတော့ ဖန်တီးရာမှာ လုပ်နေတဲ့ Game Dev Challenge ပါ။  မြန်မာနိုင်ငံမှာ Game Developer တွေတိုးများလာစေဖို့၊ ဂိမ်းတွေကို ချစ်မြတ်နိုးပြီး Game တွေကို ဖန်တီးချင်ကြတဲ့ အသိုင်းအဝန်းက လူကြီးလူငယ်တွေ အတူတူတွေ့ဆုံနိုင်ကြဖို့ နဲ့ မြန်မာနိုင်ငံကနေ အဆင့်မြင့်တဲ့ Game တွေထက်ပေါ်လာစေဖို့အတွက် ဒီဇင်ဘာလ ၁ ရက်ကနေ စပြီး ကျင်းပပြုလုပ်နေတာဖြစ်ပြီး ဒီဇင်ဘာလ ၉ ရက်နေ့မှာ အဆုံးသတ်မှာဖြစ်ပါတယ်။ နောက်ဆုံးရက်ဖြစ်တဲ့ ဒီဇင်ဘာလ ၉ ရက်နေ့မှာ ပြိုင်ပွဲဝင်အသင်းတွေက မိမိတို့ ပြုလုပ်ခဲ့ကြတဲ့ Game တွေကို ဒိုင်လူကြီးတွေဆီမှာ မနက် ၁၀ နာရီကနေစပြီး အသင်းလိုက် တက်ရောက်ပြသမှာ ဖြစ်ပြီး လာခဲ့ဖို့ အကောင်းဆုံးအချိန်က Public Game show အချိန်ဖြစ်တဲ့ နေ့လည် ၂ နာရီ ၄၅ ပါ…။ အဲ့နောက်ပိုင်းမှာ ဆုပေးပွဲကို ညနေ ၄ နာရီကနေ စပြီးပြုလုပ်သွားမှာဖြစ်လို့ ပြည်တွင်း လူငယ် Game Developer တွေရဲ့လက်ရာတွေကို ကြည့်ချင်တယ် စိတ်ဝင်စားတယ်ဆိုရင် မဖြစ်မနေ လာသင့်ပါတယ်။  ဒိုင်လူကြီးတွေထဲမှာ ကွီးနဲ့ Simba Gaming တို့လည်း ပါတာမို့လို့ လာတွေ့ချင်တယ်ဆိုရင်လည်း ညနေပိုင်းမှာ ကြွလာခဲ့ကြပါနော်…။

ပွဲလုပ်မယ့်နေရာက ရန်ကုန်မြို့လယ်က ဖန်တီးရာ မှာဖြစ်ပြီး  Royal River View Condo (၁၀ ထပ်), အမှတ် ၆၂၈၊ ၆၃၆ ကုန်သည်လမ်း (၂၉ လမ်းနဲ့ လမ်း ၃၀ ကြား) ပန်းဘဲတန်း ရန်ကုန် ပါ။

ဖန်တီးရာရဲ့ နေရာပါ

 

Competition, PUBG

ဆုကြေးပေးရုံတင်မကပဲ တရုတ်ပြည်ထိ ပြိုင်စရိတ်ပါပေးမယ့် PUGB ပြိုင်ပွဲကြီး

🇲🇲🇲🇲 မင်္ဂလာပါ မြန်မာ PUBG pro တို့ရေ…

မြန်မာနိုင်ငံရဲ့ ပထမဦးဆုံး International PUBG E sport Tournament ကိုတက်လှမ်းနိုင်မယ့် PUBG event ဖြစ်တဲ့ “Geforce Cup Myanmar” ကို NVIDIA GeForce Myanmar နှင့် Colorful Technology တို့နှင့် ပူးပေါင်းပြီး ကျင်းပပေးသွားမှာတဲ့။

ပထမရရှိတဲ့ အသင်းဟာဆိုရင် တစ်ဦးစီကိုကာလတန်ဖိုး ၇ သိန်းထက်မနည်းတဲ့ဆုတွေကိုရရှိမယ့်အပြင် မြန်မာနိုင်ငံကိုယ်စားပြုအနေနဲ့ တရုတ်ပြည်မှာ ကျင်းပမယ့် Colorful Gaming Union (CGU) မှာ Thailand, Philippine, Vietnam, Indonesia, Malaysia, Singapore တို့က တက်လာမယ့် ကိုယ်စားပြု အသင်းတွေနဲ့နေစားရိတ် သွားစရိတ်ငြိမ်း sponsor နဲ့ယှဉ်ပြိုင်နိုင်တဲ့ အခွင့်အရေးကိုရရှိမှာတဲ့ဗျာ…။

ကဲ အသေးစိတ်အချက်အလက်တွေကို ဆက်ကြည့်လိုက်ကြရအောင်…

🔥🇲🇲TIME TO POWER UP for MYANMR🇲🇲🔥

Online Group Stage တွေကို December 1 -2 မှာကျင်းပပြီး

Main Event Lan tournament ကိုတော့ December 8-9 မှာ ကျင်းပပေးသွားပါမယ်။

Event detail တွေကိုလည်းမကြာမီအသေးစိတ်ကြေငြာပေးသွားပါမယ်နော်။

ဒီ event လေးကို Global Maven Association က နေ Live Broadcast လုပ်ပေးသွားပါမယ်။ ပြီးတော့ Media အချို့ကိုလည်း ဖိတ်ခေါ်ပေးထားပါတယ်။

🥇 ပြိုင်ပွဲဆုကြေးကတော့

🏆🏆🏆ပထမဆု – အသင်းအနေနဲ့ ၆ သိန်း ကျပ် ငွေသား ရရှိပါမယ်။ အသင်းသားတစ်ယောက်ချင်းစီကို Colorful iGame GTX 1060 Vulcan U 6gb (တန်ဖိုး ၅၀၀၀၀၀ ကျပ်ရှိ) တစ်ကဒ်စီချီးမြှင့်သွားပါမယ်။ ပြီးရင် တစ်ယောက်ချင်းစီကို Tech Ace ရဲ့ ၁ သိန်းတန် gift voucher ကိုချီးမြှင့်သွားပါမယ်။

🏆🏆ဒုတိယဆု – အသင်းအနေနဲ့ ၃ သိန်းကျပ် ငွေသားရရှိပါမယ်။ Tech Ace ရဲ့ ငါးသောင်းတန် gift voucher ကို ချီးမြှင့်သွားပါမယ်။

🏆တတိယဆု – အသင်းအနေနဲ့ ၁ သိန်းခွဲ ငွေသားရရှိပါမယ်. Tech Ace ရဲ့ နှစ်သောင်းခွဲကျပ်တန် gift voucher ကို ချီးမြှင့်သွားပါမယ်။

📢📢 မြန်မာအနေနဲ့Internation Event မှာပါဝင်နိုင်ဖို့သင့်အနေနဲ့လည်း သင့်အနားမှာရှိတဲ့ PUBG player တွေကို အသိပေးပြီး share ပေးဖို့မေတ္တာရပ်ခံအပ်ပါတယ်ခင်ဗျ။

IN ENGLISH :

🇲🇲🇲🇲 Hello Myanmar PUBG pro players,

We are bringing the very first PUBG event in Myanmar called GeForce Cup Myanmar in collabration with NVIDIA GeForce Myanmar and Colorful Technology .

The online group stage event will start on December 1 – 2 and main event will begin after it on December 8 – 9 . We will annouce the exact details for the event soon . During the event , Global Maven Association will be participating as the main live broadcaster .

🥇 For the event winner 🥇

🏆🏆 600,000 ks as a team and Colorful iGame GTX 1060 Vulcan U 6G and Tech Ace Gift Voucher 100,000 ks for each team members 🏆🏆

🥈 For the first runner-up 🥈

🏆🏆 300,000 ks as a team and Tech Ace Gift Voucher 50,000 ks for each team members 🏆🏆

🥉 For the second runner-up 🥉

🏆🏆 150,000 ks as a team and Tech Ace Gift Voucher 25,000 ks for each team members 🏆🏆

After the event , the event winner team will be selected as a Country Qualifier to represent Myanmar 🇲🇲🇲🇲 and send to China to participate in the final event which will be hosted by Colorful called Colorful Gaming Union (CGU) in China and have to compete with the qualifier teams from Thailand , Philippine , Vietnam , Indonesia , Malaysia , Singapore and Vietnam .

Please let your fellow pubg players know by sharing this content to them, so that they can represent Myanmar in International Esport Community.

Awards, Gaming, PUBG

BEST MOBILE GAME အတွက် Vote လို့ရနေပါပြီနော်…

ဂိမ်မာတွေ အားလုံးသိကြတဲ့ ဂိမ်းလောကရဲ့ အကယ်ဒမီဆုပေးပွဲဖြစ်တဲ့ The Game Awards – 2018 ခုနှစ်က မကြာခင်စတော့မှာဖြစ်ပြီး The Game Awards ကနေပေးမယ့် Best Mobile Game 2018 (၂၀၁၈ ခုနှစ်အတွက် အကောင်းဆုံး မိုဘိုင်းဂိမ်း) ကို Vote လို့ရပါပြီနော်…

စကာတင် ဖုန်းဂိမ်းတွေက

Donut County
Florence
Fortnite
PUBG MOBILE
Reigns: Game of Thrones

တို့ ဖြစ်ကြပါတယ်။ Vote ပေးချင်ရင်တော့ https://thegameawards.com/awards/#best-mobile-game မှာသွားပြီး vote လို့ရပါတယ်။

Mobile တင်မကပဲ ဂိမ်းကြီးတွေကိုလည်း Vote ချင်ရင် https://www.gamingkwee.com/2018/11/14/tga-2018/ မှာ ဝင်ကြည့်လို့လည်း ရပါတယ်နော်…

 


Gaming, PC, PUBG

PUBG စားသောက်ဆိုင်လေးမှာ Chicken Dinner သွားစားကြမယ်

PUBG ပုံစံလေးနဲ့ Decoration လုပ်ထားတဲ့ စားသောက်ဆိုင်လေးမှာ သွားစားကြမယ်လို့ စိတ်ကူးဖူးလား။

အခုဆိုရင်တစ်ကယ်ဖြစ်လာပါပြီ… ဒါပေမယ့် မြန်မာနိုင်ငံမှာ မဟုတ်ပဲ အိန္ဒိယနိုင်ငံ ဂျေပူးရ်မြို့ မှာပါ။ ဆိုင်နာမည်ကို PUBG – Player Unknown’s Belly Grounds ဆိုပြီး battle (တိုက်ပွဲ) နေရာမှာ Belly (ဝမ်းဗိုက်) ဆိုပြီးလုပ်ထားတာပါ

ပုံတွေမှာတွေ့ရတဲ့အတိုင်း PUBG Theme ကို သေသေချာချာလေးလုပ်ထားတာပါ။

 

သူတို့ရဲ့ Facebook Page ကို ကွီးကဆက်သွယ်ပြီး မေးကြည့်တဲ့အခါမှာတော့ ဆိုင်က မနေ့က (၂၅ အောက်တိုဘာ ၂၀၁၈) က ဖွင့်ထားတာဖြစ်ပြီး သူတို့က ပုံတွေ ထပ်ပြီး ပို့ပေးထားပါသေးတယ်။ အဲ့ပုံတွေကတော…

 

 

PUBG ဆိုင်ဖြစ်တဲ့အတွက် Menu မှာ Chicken Dinner ပါလာခဲ့ပြီး Chicken Dinner Squad လည်းပါတဲ့အတွက် အဖွဲ့လိုက်လည်း စားနိုင်အောင် စီစဉ်ပေးထားတဲ့ပုံပါ။

ကဲ… သူများနိုင်ငံတွေမှာလည်း လုပ်နေကြပြီနော်… ဒီမှာကော ဘယ်သူတွေ လုပ်ဖို့ အကြံရှ်ိလဲ မသိဘူးခင်ဗျ။

 

 

 

//graizoah.com/afu.php?zoneid=2161034