Tag: Steam

Gaming, Guide, Promotions, Steam

Steam Autumn Sales မှာ ဘယ်သူတွေက ဘယ်ဂိမ်းကို ဝယ်ခိုင်းကြလဲ…

Steam Autumn Sales လည်းရောက်ပြီ…  ၃ ရက်နေ့ဆို ပြီးပြီ… ဒါပေမယ့်အခုထိ ဘာဝယ်ရမှန်းမသိသေးတဲ့ထဲမှာ ကွီးလဲပါသလို Gamer အပေါင်းတွေလည်း ပါမယ်ထင်ပါတယ်…။

ကိုယ်တစ်ယောက်ထဲ ခေါင်းခြောက်မခံနိုင်တော့ဘူး… သူများတွေကိုလဲ ဦးနှောက်စားမယ်ဆိုပြီး ရောင်းရင်း PC Game ဆော့ဖော်ဆော့ဖက်တွေ PC Games Streamer တွေကို မေးကြည့်လိုက်တော့ သူတို့က ဒါတွေဝယ်သင့်ပါတယ်တဲ့ဗျာ…  👇👇👇

A to Z စီပေးထားပါတယ်… မကြိုက်ရင် နောက်တစ်ခါ အသက်အကြီးဆုံးကို ရှေ့ဆုံးမှာ ထားပေးပါ့မယ် 😂

Cancer Potatoes က Super Cat ကတော့ ဖုန်းထဲမှာ အိပ်ချင်မူးတူးနဲ့ Gears 5 ပါတဲ့…  Game အသစ်ထဲမှာ အတန်ဆုံးပဲတဲ့။ (ညနေ ၆ ခွဲမှ အိပ်ရာထတာဆိုပဲ)

KC Gaming က ကိုခြိမ့် (ဒီရက်ပိုင်း ကားတွေကို ရှယ်မောင်းနေတဲ့ အယ်ကို) ကတော့ Euro Truck Simulator 2 ကိုပဲဝယ်ပါတဲ့ 20 တန်ကို 5 ထိ စျေးချပေးထားလို့ တော်တော်တန်ပါတယ်တဲ့။ စျေးချထားတုန်း Map DLC တွေကို ဝယ်ချင်လည်း ဝယ်ပါတဲ့… နောက်ပြီးတော့ သူနဲ့ Multi လာဆော့ဖို့လည်း ခေါ်နေပါတယ်။

MM_Shroud ခေါ် Nougat ကတော့ ၁ ခုမေးတာ အားရပါးရနဲ့ သူ့အကြိုက်ဆုံး ၃ ခုတောင် recommend ပေးခဲ့ပါတယ်… အဲတာတွေက Resident Evil 2 Remake, A Plague Tale : Innocence နဲ့ Devil May Cry 5 ပါတဲ့…။ Story နဲ့ Game-play အရမ်းမိုက်လို့ပါလို့ ပြောသွားပါတယ်။

Nyanthuthu Gametreats ကတော့ ၂ ခါတောင် မစဉ်းစားပဲ Monster Hunter World ပါဆိုပြီး ချက်ခြင်းကိုဖြေခဲ့ပါတယ်။

P ကြီးလို့ ခေါ်တဲ့ P-Dota တစ်ယောက်ကတော့ သူဆိုရင် Remnant: From the Ashes ကိုဝယ်မှာပါ… Gears 5 ကလည်း စျေးတန်တယ်လို့ ဆိုသွားပါတယ်။

Samster Crimes က အဘစံက သူ့စိတ်ကြိုက် shooting အသားပေး game တွေကို recommend ပေးခဲ့ပါတယ်… အဲတာတွေက Black Mesa , Insurgency: Sandstorm နဲ့ Hell Let Loose တွေပါတဲ့။

Simba Gaming က Tom Clancy’s Rainbow Six® Siege ဆိုပြီး အားကြီးနဲ့ ဖြေသွားတယ်… (ဖုန်းဆက်ပြီး မေးလိုက်တော့ အားကြီးနဲ့ပြောတဲ့ အသံပါကြားလိုက်ရတာ)

tzafelix ကို မေးကြည့်တော့ Final Fantasy Franchise ထဲက ဝယ်ပါတဲ့… (ဘယ်ဟာလဲတော့ သေသေချာချာ မပြောသွားဘူး… အကုန်ဝယ်ဝုန်းစေချင်တဲ့ပုံပဲ 😁 )

UAL Gaming က ဦးအောင်လေးက Tom Clancy’s Rainbow Six® Siege ပါတဲ့…။ ဖြစ်နိုင်ရင် Deluxe Edition ချပါ… ရိုးရိုးက အကောင်တွေ မပါပါဘူးတဲ့ဗျား…။

အချိန်ရသလောက် လက်လှမ်းမှီတဲ့သူတွေကို မေးထားထားပါနော်… ကျန်ခဲ့ရင် ခွင့်လွှတ်ပါ… သွေ့ပုချိ

Guide, Steam

Steam Authenticator ထည့်နည်း

ကိုယ်တွေရဲ့ steam အကောင့်က တန်ဖိုးကြီးပါတယ်။ ဂိမ်းတွေ၊ ဆော့ထားတဲ့အချိန်တွေ၊ Progress တွေ အကုန်ကို သိမ်းထားပေးရတာပါ။
အကောင့်လုံခြံရေးအတွက် Password အခိုးခံရပေမယ့်လည်း Authenticator ခံထားရင် အဲ့စောင်သူခိုးက ဝင်လို့မရပါဘူး။ Authenticator နံပတ်ပါ ပေးလိုက်ပြီဆိုရင်တော့ လူမရှိတဲ့နေရာမှာ တိတ်တိတ်လေး သွားငိုပေတော့။ #GGWP

အဲတော့ စလုပ်ကြမယ်…။
ပထမအဆင့်အနေနဲ့ Steam app ကို ဒေါင်းကြမယ်။ Android နဲ့ iOS  အတွက် ဒေါင်းပြီး app ထဲဝင်ပါ။
Sign in မှာ Username နဲ့ Password ထည့်ပါ။

 

 

ဝင်ပြီးသွားရင် ဘေးက Menu (အချောင်း ၃ ချောင်း) > Steam Guard ကိုနှိပ်ပါ။
အောက်ကပုံအတိုင်း Add Authenticator ကို ထပ်နှိပ်ပါ။

 

ဖုန်းနံပတ်တောင်းပါလိမ့်မယ်…။ ဖုန်းနံပတ်ဖြည့်ပြီးသွားရင် အဲ့ဖုန်းကို SMS ပို့ပါလိမ့်မယ်။ SMS ထဲမှာပါတဲ့ Code တွေကို  အောက်က အကွက်ထဲ ဖြည့်ပါ။

 

ပြီးသွားရင် အောက်ကလို Recovery နံပတ်အတိုလေးတွေပေါ်လာပါ့မယ်။ သေသေချာချာမှတ်ထားပါ ဖုန်းပျောက်တာ ဘာညာဆိုရင် အဲ့ကုတ်နဲ့ ပြန်ပြီး restore လုပ်လို့ရပါတယ်။

 

အဲဒါတွေ ပြီးသွားပြီဆိုရင် Code Generator က အလုပ်လုပ်နေပြီဖြစ်ပါတယ်။ တစ်ယောက်ယောက်က Password ကို ခိုးသွားရင်တောင် အဲ့နံပတ်တွေကိုရိုက်ထည့်မှ ဝင်လို့ရပါတယ်။ နံပတ်တွေက အချိန်နဲ့အမျှပြောင်းနေလို့ အနားမှာ ဖုန်းရှိမှ အဲ့ထဲက နံပတ်အတိုင်းရိုက်ထည့်ပြီး ဝင်ရမှာဖြစ်ပါတယ်။

 

 

 

 

Guide, Steam

Steam အကောင့်ကို ဖုန်းကနေ လုပ်နည်း

ပထမဆုံး အနေနဲ့ ဖုန်း Browser မှာ https://store.steampowered.com/ ကို နှိပ်ပါ။

 

 

 

 

Login ထဲဝင်ပါ။

အောက်နည်းနည်းဆင်းပြီး Create အောက်ထဲက Join Steam ကို နှိပ်ပါ။

 

 

အဲ့ထဲရောက်ပြီဆိုရင် အောက်ကပုံလိုမျိုးပေါ်လာမှာဖြစ်ပါတယ်။

 

အဲနေရာမှာ ကိုယ့်ရဲ့ e-mail address ကို ၂ ခါဖြည့်ပါ။ I’am not a robot ကို click နှိပ်ပါ။ သူရွေးခိုင်တာ မှန်အောင်ရွေးပြီး Verify လုပ်ပါ။

အောက်ဆုံးထိဆင်းပြီး Agree လုပ် Continue လုပ်ပါ။

အဲဆင့်ပြီးသွားပြီဆိုရင် ကိုယ့်ရဲ့ e-mail ကို Verify လုပ်ပေးရမှာဖြစ်ပါတယ်။ အောက်ကပံလိုမျိုး ဖြစ်နေမှာဖြစ်ပါတယ်။

အဲ့အချိန်ရောက်ရင် Steam က verify လုပ်ဖို့ e-mail ပို့လိုက်မှာဖြစ်ပါတယ်။ (အချိန် အနှေးအမြန် ကွာတတ်ပါတယ်)။
Verify လုပ်ဖို့ e-mail  application (ဒါမှမဟုတ် browser ကနေ tab အသစ်နဲ့ ဝင်ပြီး)   အောက်ပါအတိုင်း Create my account ကို နှိပ်ပေးပါ။

Verify လုပ်ပြီးရင် အောက်ပါအတိုင်းပေါ်လာမှာဖြစ်ပါတယ်။

 

 

အဲတာပြီးသွားရင် အဲဒီ e-mail application ထဲကနေထွက်ပြီး ခုနက အကောင့်လုပ်နေတဲ့ browser ထဲ သွားပါ။ အောက်ကလိုမျိုး Steam နာမည် နဲ့ Password ပေးရတော့မှာပါ။  (နာမည်မှာ space ခြားလို့မရဘူး တစ်ဆက်ထဲ ပေးရမှာပါ။)

Password ကို မှတ်ထားပါ။

Password ကို သူများကို မပေးပါနဲ့။
စော်တွေ ဘဲတွေ ကိုလည်း  Password မပေးပါနဲ့။ ကိုယ်ဖြစ်ကိုယ်ခံပါ။ (ေ
စာ်၊ ဘဲ ကြောက်ရင် Gamer မလုပ်ပါနဲ့)
Password ကို မွေးနေ့တွေ၊ ဖုန်းနဲပါတ်တွေ၊ စော်နာမည်တွေကို စောင်တောသား ဆန်ဆန် မပေးပါနဲ့။ မှတ်မိလွယ်တာတွေ မပေးပါနဲ့။
App ဒေါင်းပြီး Authenticator ထည့်ပါ။

ပြီးရင် Complete လုပ်ပြီး အဆုံးသတ်ပါ။

 

 

 

ဒါဆိုရင် Steam အကောင့်တစ်ခုရပါပြီ။

ဖုန်းထဲမှာလည်း Steam application ထည့်ထားချင်ရင်

Android 

iOS 

မှာ သွား ဒေါင်းနိုင်ပါတယ်။

 

Steam Account ဒေါင်းပြီး Authenticator ထည့်နည်းကို ဒီလင့်မှာ ကြည့်နိုင်ပါတယ်။ 

 

Steam

Steam မှာ လူတွေအလိုချင်ဆုံးဂိမ်းတွေ

Steam မှာ ကိုယ်လိုချင်တဲ့ Game တွေ ဂိမ်းတွေကို wishlist လုပ်လို့ရတယ်ဆိုတာ အားလုံးသိကြမယ်ထင်ပါတယ်။
အခု အဲဒီ့ ဂိမ်းတွေ ဘယ်ဂိမ်းတွေလဲဆိုတာကို Steam က ထုတ်ပြန်ခဲ့ပါတယ်။  ကဲ ကိုယ်တွေ wishlist လုပ်ထားတဲ့ Game နဲ့ လူအများ wishlist လုပ်ထားတဲ့ ဂိမ်းတွေဘယ်လောက် ထပ်တူကျလဲဆိုတာ ကြည့်လိုက်ကြရအောင်…

Sekiro: Shadows Die Twice 

Resident Evil 2

Metro Exodus

Devil May Cry V

Total War: Three Kingdoms 

BIOMUTANT

The Outer Worlds 

LEFT ALIVE

ATLAS

Tom Clancy’s The Division 2

Gaming, Steam

Steam ရဲ့ Autumn Sale မှာ ကွီးတို့ တစ်သိုက် ဝယ်ဖို့ Recommend ပေးတဲ့ Game တွေ…

Steam ရဲ့ Autumn Sale လည်း ရောက်လာပါပြီနော်… ဈေးတွေလည်း မတရားကို လျှော့နေပါပြီနော်… စိတ်မကောင်းစရာက လကုန်ပိုင်းရောက်မှ ဈေးလာလျှော့နေတဲ့အတွက် လကုန်ပိုင်း ဘိုက်ပြတ်တဲ့သူတွေအတွက် စိတ်မကောင်းစရာပါနော်…။ နိုဝင်ဘာ ၂၇ ရက်နေ့ နောက်ဆုံးဆိုတော့ လခထုတ်ရက်လည်း မမှီလို့  ငိုနေပါပြီနော်… 😀

ဒီတခါ လျှော့ဈေးတွေ ပေးတဲ့ထဲက ကွီးတို့ သူငယ်ချင်းတစ်သိုက် ဝယ်ဖို့ စိတ်အားထက်သန်နေတဲ့ ဝယ်ချင်နေတဲ့ ခပ်တန်တန် Game တွေကို ဖော်ပြလိုက်ပါတယ်။

အခု ကျတော် ဖော်ပြထားတဲ့ Game တွေက India store ကနေ ယူထားတာဖြစ်ပြီး Default store ထက် ဈေးအများကြီး သက်သာနေတာကို တွေ့ရမှာပါ။ အကယ်လို့ India store ကို ပြောင်းချင်နေတယ်ဆိုရင် ကျတော်ရေးထားတဲ့ Guide ဖြစ်တဲ့ https://www.gamingkwee.com/2018/10/30/steam-india-guide/ မှာ ဝင်ကြည့်နိုင်ပါတယ်နော်…။ 

မြန်မာငွေ ၅၀၀၀ အောက်

၁။ Payday 2

US Store မှာ 4.99 USD ရှိပေမယ့် India Store မှာ မြန်မာငွေ ၃၅၀၀ လောက်ပဲ ကျမှာမို့လို့ အပါင်းအသင်းတွေနဲ့ အတူတူ ဓားပြတိုက်ချင်တဲ့သူတွေ အတွက် ဈေးအပေါ်ဆုံးနဲ့ ပျှော်လွှင်မှု အပေးနိုင်ဆုံးဖြစ်မှာမို့လို့ ရွေးထားတာပါ။

၂။ Left 4 Dead 2

ဒီဂိမ်းလဲ ၁၅၀၀ ကျပ် အထိဈေးချထားတာမို့လို့ အဖွဲ့ခွဲပြီး ဆော့ချင်တဲ့သူတွေအတွက် အကောင်းဆုံး Game ပါ။

၃။ Counter-Strike Complete

နာမည်ကြီး Counter-Strike Global Offensive ပါ ပါတဲ့ Bundle ကြီးကို မြန်မာငွေ ၄၅၀၀ ကျပ်ပဲ ကျသင့်မှာမို့လို့ CS GO ဝယ်ဖို့ နေ့ရွှေ့ညရွှေ့ဖြစ်နေတဲ့သူတွေ ဝယ်ဖို့အကောင်းဆုံးအချိန်ပါ။

 

မြန်မာငွေ ၁၀၀၀၀ အောက်

၁။ ARK: Survival Evolved

ဒိုင်နိုဆောတွေ ရှာမယ် မွေးမယ် Updrage လုပ်မယ် အဲလိုမျိုးတွေ စိတ်ပါဝင်စားတဲ့သူတွေ အတွက်ပါ။ ၈၇၀၀ ကျပ်ထိ ဈေးချထားပါတယ်။

၂။ Yakuza 0 (Zero)

ဒီနှစ် ၂၀၁၈ ၈လပိုင်း ကမှထွက်လာတဲ့ နာမည်ကြီး ဂိမ်းက ကျပ် ၁၀၀၀၀ သာသာနဲ့ လျှော့ပေးထားတာပါတယ်။

၃။ Witcher 3: Wild Hunt – Game of the Year Edition

ဘယ်လိုမှ ပြောရက်လောက်စရာမရှိတဲ့ Witcher 3 ရဲ့ Game of the Year Edition ကို Crack လုပ်မဆော့ရပဲ ငွေ ၈၀၀၀ လောက် နဲ့ အပြီးအပိုင်ရမှာနော်… RPG ဂိမ်းဖန် ုဖြစ်ပြီး အခုထိ မဝယ်ရသေးဘူးဆိုရင် မဖြစ်မနေ ဝယ်သင့်ပါတယ်။

၄။ Middle-earth: Shadow of War Definitive Edition

ဂိမ်းကောင်းကောင်း ဇတ်လမ်းကောင်းကောင်းနဲ့ ဆော့ချင်တယ်ဆိုရင် Definite Edition ကိုမှ ၉၂၀၀ လောက်ပဲ ရှိတာမို့လို့  ဝယ်ချိန်တန်နေပါပြီနော်…။

 

မြန်မာငွေ ၁၀၀၀၀ အထက်

၁။ Kingdom Come: Deliverance

ဒီနှစ်အစောပိုင်းကမှထွက်ခဲ့ပြီး လူကြိုက်များ RPG ဂိမ်းဖြစ်တဲ့ Kingdom Come: Deliverance  ကို ၁၄၀၀၀ ကျပ် ကျော်ကျော်အထိ ဈေးချထားပါတယ်။

 

မြန်မာငွေ ၂၀၀၀၀ အထက်

၁။ GTA V

ကလေး လူကြီး အကုန်ကြိုက်တဲ့ ဂိမ်း၊ နာမည်ပြောလိုက်ရင် ဂိမ်းသိပ်မဆော့တဲ့သူတွေတောင် သိတဲ့ဂိမ်း၊ သူငယ်ချင်းတွေနဲ့အတူတူ အလုပ်လုပ် ဓားပြတိုက်၊ ကားဝယ် တိုက်တွေဝယ်၊ လုပ်ချင်တာအကုန်လုပ်လို့ရတဲ့ GTA V ကို ၂၆၀၀၀ နဲ့ ဝယ်လို့ရနေပါပြီနော်…

၂။ Far Cry 5

OpenWorld ဂိမ်းတွေ ကြိုက်တဲ့သူတွေအတွက် ဒီနှစ်ကမှထုတ်ထားတဲ့ Far Cry 5 ကို ၅၀% Discount ချထားပြီး ၃၀၀၀၀ လောက်ထိတော့ ကုန်စေမှာဖြစ်ပါတယ်။

 

Gaming, Guide, PC, Steam

Steam India Store ကို ပြောင်းကြမယ်

ယခု Guide သည် Steam အကောင့်ကို Store ပြောင်းချင်လိုသူများအတွက် Guide ဖြစ်ပြီး မိမိ အပါအဝင် လူတော်တော်များများမှ အောင်မြင်စွာ ပြုလုပ်နေသော နည်းစနစ်ဖြစ်ပါသည်။ သို့သော် ပြုလုပ်သူမှ မှားယွင်းခြင်း၊ အလျှင်စလို နိုင်ငံပြောင်းခြင်းကြောင့် Steam မှ Account terminate လုပ်ခံရခြင်းအပါအဝင် မည်သည့်ကိစ္စရပ်ကိုမှ တာဝန်ယူဖြေရှင်းပေးမည်မဟုတ်သည်ကို သိရှိစေလိုပါသည်။

Store ပြောင်းချင်တယ်ဆိုရင် အရင်က Game တွေဝယ်ဖူးတဲ့ အကောင့်တွေဆို ပြသနာမရှိပေမယ့် အကောင့်အသစ်ဆိုရင် wallet မှာ ၅ ဒေါ်လာ လား ၁၀ ဒေါ်လာ ဖိုးလား မသိဘူး ထည့်ထား (သုံးဖူးပြီးသား) ဖြစ်ရမှာပါ။

ပထမဦးဆုံးအနေနဲ့ လုပ်သင့်တာက မိမိရဲ့ အကောင့်ကို ၃-၄ နာရီလောက် Logout လုပ်ပါ။ Mobile Authenticator လုပ်ထားရင် အဲတာလည်း ဖြုတ်ပါ။ PC, Mobile အကုန် Logout လုပ်ရမှာပါ။

အခု VPN ကျော်ဖို့ လိုလာပြီဖြစ်တဲ့အတွက် Tunnel Bear https://www.tunnelbear.com မှာ အကောင့်လုပ်ပြီး ဒေါင်းပါ။

Tunnel Bear ကို Install လုပ်နေတာပါ

Install လုပ်ပြီးသွားရင် ပုံပါအတိုင်း India ကိုရွေးပြီး Yes လုပ်ပါ။

အဲ့မှာ India ကို ရှာနှိပ်ပြီး Yes နှိပ်ရမှာပါ

အဲလိုဆိုရင် India ကို သွားချိတ်ပါလိမ့်မယ်။

ခဏလောက်နေရင် မြေပုံကြီးတစ်ခုလုံး စိမ်းသွားပြီး India ကနေ ဝက်ဝံကလေး ထွက်လာပါလိမ့်မယ်။

အဲလိုဖြစ်သွားပြီဆိုရင် India ကို ရောက်သွားတာ သေချာပါတယ်။

India ကို တစ်ကယ်ရောက်မရောက်သိချင်ရင် https://whatsmyip.com/ ဝင်ကြည့်လိုက်ပါ။ ညာဖက် မှာ India မြို့နာမည်တွေ တွေ့ပါလိမ့်မယ်။ အဲလိုပေါ်တယ်ဆိုရင် မိတ်ဆွေ India ကို ရောက်ရှိသွားပါပြီ။

Namaste from India”

“Namaste, အိန္ဒိယပြည်မှ ကြိုဆိုပါတယ်”

အခု VPN အပိုင်းပြီးပြီဆိုတော့ Steam ကို Username တွေ Password တွေ ထည့်ပြီး ဝင်ပါမယ်။

Steam ထဲရောက်ပြီဆိုရင် Menu> Setting ကိုသွားပါ။

အဲ့ကနေ တဆင့် View Account Details ထဲသွားပါ။

Account Details ထဲရောက်သွားပြီဆိုရင် Update Store Country ထဲ ထပ်သွားပါ။

Update Store Country

အဲ့ထဲ ရောက်ပြီဆိုရင် Drop Down ကို နှိပ်လိုက်ရင် India ဆိုတာ ပေါ်လာပါလိမ့်မယ်။ India ကိုရွေးပါ။

India ကိုရွေးပါ။

အဲလိုရွေးလိုက်တာနဲ့ လိပ်စာဖြည့့်ရမယ့်အကွက်ပေါ်လာမှာဖြစ်ပြီး လျှောက်ဖြည့်တာထက်စာရင် https://www.fakeaddressgenerator.com/World_more/India_address_generator ထဲမှာ Bangalore  ကိုရိုက်ထည့်ပြီး အဲ့လိပ်စာတွေအတိုင်း ဖြည့်လိုက်ပါ။ အားလုံးပြီးသွားရင် Apply country change နှိပ်လိုက်ရင် ရပါပြီ။

 

နောက်ဆုံးအဆင့်အနေနဲ့ နိုင်ငံပြောင်းမှာ သေချာလား လာမေးပါလိမ့်မယ်။ သေချာပြီဆိုရင် Yes, change my country လုပ်ပါ။

Yes

 

Success! Your country has been changed to: India ဆိုပြီးပေါ်လာပြီဆိုရင်တော့ Congratulations ပါ။ မိတ်ဆွေအကောင့်ကို India Store ကို အောင်မြင်စွာ ပြောင်းနိုင်ခဲ့ပါပြီ။

Store ထဲဝင်ကြည့်ရင်တော့ India ငွေ (Rupee) နဲ့ ဖြစ်နေမှာဖြစ်ပြီး ငွေလဲနှုန်း ၂၁.၆ နဲ့ တွက်ကြည့်ရင် အကုန်လုံးလိုလို သက်သာနေတာနေတွေ့မှာပါ။

ပြီးရင် Logout လုပ်ပြီးမှ Tunnel Bear ကို ပိတ်ပါ။ အခု တစ်နိုင်ငံ တော်ကြာ တစ်နိုင်ငံ ဆိုပြီး Steam ကို Suspect မဖြစ်စေချင်ရင်တော့ ၃-၄ နာရီပြီးမှ VPN မခံတော့ပဲ Login ပြန်ဝင်ပါ။

Steam India Store မှာ ဈေးပေါပေါနဲ့ ဂိမ်းတွေ ဝယ်နိုင်ကြပါစေ။

– Gaming Kwee

 

Gaming, PC, Steam, Uncategorized

Steam ရဲ့ Holloween ဈေးရောင်းပွဲတော် မှာ ဝယ်သင့်တဲ့ ၁၀ ဒေါ်လာအောက် ဂိမ်းတွေ

Steam ရဲ့ Holloween ဈေးရောင်းပွဲတော် စနေပြီဖြစ်ပြီး နိုဝင်ဘာလ ၁ ရက်နေထိ အထူးလျှော့ဈေးနဲ့ ရောင်းချပေးမှာဖြစ်ပါတယ်။ အခု ဒီဈေးရောင်းပွဲတော်မှာ ဝယ်သင့်တဲ့ ၁၀ ဒေါ်လာအောက် ဂိမ်းတွေကို ဖော်ပြလိုက်ပါတယ်။ အဲဒါတွေကတော့…

Alan Wake

Sleeping Dogs

Just Cause 3

Metro 2033 Redux

Metro Redux Bundle

Left 4 Dead 2

တို့  ဖြစ်ပါတယ်။

နောက်ပြီးတော့ India Store တို့ ဘာတို့မှာရှိတဲ့သူတွေကို Recommended လုပ်ချင်တာက

Rust

ဖြစ်ပါတယ်။ USA Store မှာ ၅၀ ရာခိုင်နှုန်း ဈေးချပြီး ၁၇.၄၉ ဒေါ်လာ ၂၇,၈၀၀ (နှစ်သောင်း ခုနှစ်ထောင်) ကျော်ကျသင့်ပါတယ်။ ဒါပေမယ့် India store မှာ ၈,၁၉၀ (ရှစ်ထောင်တစ်ရာကျော်) ပဲ ရှိလို့ ၁၀ ဒေါ်လာအောက် ဂိမ်းစာရင်းထဲ ထည့်လိုက်တာဖြစ်ပြီး အဲ့ဂိမ်းကို ကွီးတို့တစ်သိုက် Streaming လုပ်ဖို့လည်းရှိလို့ပါ။

 

တွေ့တဲ့အတိုင်းပါပဲ… India Store မှာဆို ၈၀၀၀ ကျော်ပဲရှိတာပါ။ ၁ ရူပီးကို ၂၁.၆၁ (၂၁ကျပ်ခွဲ) နဲ့ မြှောက်ကြည့်လိုက်ပါ။

 

Gaming, PC, PUBG

PUBG စားသောက်ဆိုင်လေးမှာ Chicken Dinner သွားစားကြမယ်

PUBG ပုံစံလေးနဲ့ Decoration လုပ်ထားတဲ့ စားသောက်ဆိုင်လေးမှာ သွားစားကြမယ်လို့ စိတ်ကူးဖူးလား။

အခုဆိုရင်တစ်ကယ်ဖြစ်လာပါပြီ… ဒါပေမယ့် မြန်မာနိုင်ငံမှာ မဟုတ်ပဲ အိန္ဒိယနိုင်ငံ ဂျေပူးရ်မြို့ မှာပါ။ ဆိုင်နာမည်ကို PUBG – Player Unknown’s Belly Grounds ဆိုပြီး battle (တိုက်ပွဲ) နေရာမှာ Belly (ဝမ်းဗိုက်) ဆိုပြီးလုပ်ထားတာပါ

ပုံတွေမှာတွေ့ရတဲ့အတိုင်း PUBG Theme ကို သေသေချာချာလေးလုပ်ထားတာပါ။

 

သူတို့ရဲ့ Facebook Page ကို ကွီးကဆက်သွယ်ပြီး မေးကြည့်တဲ့အခါမှာတော့ ဆိုင်က မနေ့က (၂၅ အောက်တိုဘာ ၂၀၁၈) က ဖွင့်ထားတာဖြစ်ပြီး သူတို့က ပုံတွေ ထပ်ပြီး ပို့ပေးထားပါသေးတယ်။ အဲ့ပုံတွေကတော…

 

 

PUBG ဆိုင်ဖြစ်တဲ့အတွက် Menu မှာ Chicken Dinner ပါလာခဲ့ပြီး Chicken Dinner Squad လည်းပါတဲ့အတွက် အဖွဲ့လိုက်လည်း စားနိုင်အောင် စီစဉ်ပေးထားတဲ့ပုံပါ။

ကဲ… သူများနိုင်ငံတွေမှာလည်း လုပ်နေကြပြီနော်… ဒီမှာကော ဘယ်သူတွေ လုပ်ဖို့ အကြံရှ်ိလဲ မသိဘူးခင်ဗျ။

 

 

 

Free Game, Gaming, PC, Steam

Free Games

FREE Games

 

 

26 November 2019 – ဒုတိယ ကမ္ဘာစစ်အခြေပြု နာမည်ကြီးဂိမ်းဖြစ်တဲ့ $20 တန် Company of Heroes 2 ကို Steam မှာ Free ပေးနေပါတယ်နော်…. ၂ ရက်ပဲ free ပေးနေတာမို့လို့ အခုပဲ ယူပြီး Game Library ထဲ ထည့်ထားရင် အမြဲတန်းအတွက် Free ရသွားမှာပါ… ဒီမှာနှိပ်ပြီး ဒေါင်းပါ

29 June 2019 Last Day of June ဆိုတဲ့ Game ကို Epic Store မှာ FREE ပေးနေပါတယ်… ဒီမှာ နှိပ်ပြီး ဒေါင်းပါ

22 March 2019 – Humble Store မှာ Tacoma ဆိုတဲ့ Game ကို FREE ပေးနေပြီနော်… ဒီမှာနှိပ်ပြီး ဒေါင်းပါ…

17 January 2019 – အခု FREE ပေးထားတဲ့ Game က Braveland ဖြစ်ပြီး 17 ရက်နေ့ (ဒီနေ့) အတွင်း ယူထားရင် Free ရမှာမို့လို့ အခုပဲ ယူထားလိုက်ကြပါနော်…

11 January 2019 – အခု လောလောဆယ် FREE ပေးနေတဲ့ Game က Blast Zone Tournament ဆိုတဲ့ Game ဖြစ်ပြီး Multi Player ဂိမ်းဖြစ်ပါတယ်… FREE for limited time ဖြစ်လို့ ရတုန်းယူထားလိုက်ကြပါနော်…

7 December 2018 – ပထမဆုံး အနေနဲ့  မဖြစ်မနေ ထည့်သင့်တာက လူတိုင်းသိပြီး Gamer တိုင်းဆော့ဖူးတဲ့ Counter-Strike ကို တစ်ကယ်ကြီး FREE ပေးလိုက်တာဖြစ်ပြီး Danger Zone ဆိုပြီး battle royale mode (PUBG လိုမျိုး) လည်း ထည့်ပေးလိုက်ပါပြီ။

နောက်ထပ် FREE ပေးထားတဲ့ Game က နာမည်ကြီး ဂိမ်းတစ်ခုဖြစ်တဲ့ Company of Heroes 2 ဖြစ်ပြီး သူ့ရဲ့ ၅ နှစ်ပြည့် အမှတ်တရ အနေနဲ့ FREE ပေးထားတာဖြစ်ပါတယ်။ နာမည်ကြီး လူကြိုက်များတဲ့ဟာဖြစ်လို့ မဖြစ်မနေ ယူလိုက်ကြပါနော်…။

နောက်ထက် ဂိမ်းတစ်ခုက ဒီနှစ် စက်တင်ဘာလက ထုတ်ထားတဲ့ Game အသစ်လေးဖြစ်တဲ့ I am not a Monster ဖြစ်ပြီး ရက်အကန့်အသတ်နဲ့ ပဲ FREE ပေးထားတာပါ။

16 November 2018 – ဒီတပတ် ပိတ်ရက်တွေမှာ အလကားစမ်းဆော့ ကြိုက်ရင်ဝယ် ဆိုပြီး Free စမ်းဆော့ခွင့် ပေးထားတဲ့ Game က ၃ ခုတောင် ရှိပါတယ်… အဲတာတွေကတော

  1. Tom Clancy’s Rainbow Six® Siege – အဲ့ နာမည်ကြီး Game ကို ၂ ရက် Free ဆော့ခွင့်ပေးထားပြီး ကြိုက်လို့ ဝယ်ချင်တယ်ဆိုရင် ၃၀% ကနေ ၆၅% အထိဈေးလျှော့ပေးထားပါတယ်။ Discount တွေကိုတော့ ဒီလ ၂၇ ရက်နေ့ထိ ပေးထားဦးမှာဖြစ်ပါတယ်။
  2. Surviving Mars – အင်္ဂါဂြိုလ်မှာ နယ်ချဲ့ပြီး မိမိရဲ့ ကိုလိုနီကို Survive နဲ့ တိုးတက်အောင် ပြုလုပ်ရတဲ့ Surviving Mars ကိုလည်း Free ၂ ရက် ဆော့ခွင့်ပေးထားပြီး ဝယ်ချင်တယ်ဆိုတဲ့သူတွေအတွက် ၃၀% ကနေ ၄၀% အထိဈေးလျှော့ပေးထားပါတယ်။ Discount တွေကိုတော့ ဒီလ ၂၁ ရက်နေ့ထိ ပေးထားဦးမှာဖြစ်ပါတယ်။
  3. NBA 2K19 – ဘက်စကတ်ဘော ဂိမ်းဖြစ်လို့ ဒီကလူတွေ ဆော့မဆော့ မသိပေမယ့် ကြုံတုန်း စမ်းကြည့်ချင်တယ်ဆိုတဲ့သူတွေအတွက် သူလည်း ၂ ရက် Free ဆော့ခွင့်ပေးထားပါတယ်။ လောလောဆယ် Overwhelmingly Negative ဖြစ်နေတာမို့လို့ မဝယ်ပါနဲ့ဦးလို့ပဲ တိုက်တွန်းချင်ပါတယ်။ ဝယ်ချင်တယ်ဆိုတဲ့သူတွေအတွက် ၅၀% အထိဈေးလျှော့ပေးထားပါတယ်။ Discount တွေကိုတော့ ဒီလ ၂၁ ရက်နေ့ထိ ပေးထားဦးမှာဖြစ်ပါတယ်။

9 November 2018 – အခု နောက်ဆုံး FREE လုပ်ပေးလိုက်တဲ့ Game က အရင်က 12.99$ တန်ခဲ့တဲ့ ENYO Arcade ဖြစ်ပြီး အမြဲတန်းအတွက် FREE ပေးလိုက်တာဖြစ်ပါတယ်။

7 November 2018 – အခု Free ပေးထားတဲ့ Game က ARK: Survival Evolved ဖြစ်ပြီး ယာယီ ၅ ရက်တာ Free စမ်းဆော့လို့ရမှာဖြစ်ပါတယ်။ ကြိုက်လို့ ဝယ်ချင်ရင်တော့ 60% ဈေးလျှော့ပေးထားပြီး ကွီးတို့ရှိတဲ့ India Store မှာ 440 Rupee (၉၀၀၀ ကျပ် ကျော်ကျော်) လောက်ပဲရှိပါတယ်။ USA Store မှာတော့ 60% ဈေးလျှော့ပြီး ဒေါ်လာ ၂၀ (သုံးသောင်းကျော်) ရှိပါတယ်။

6 November 2018 – အခု နောက်ဆုံး Free ပေးထားတဲ့ Game က ၂၀၁၅ အောက်တိုဘာလက ထုတ်ထားတဲ့ DISTRAINT: Deluxe Edition ဖြစ်ပြီး Steam မှာ Very Positive rating ရထားပါတယ်။

3 November 2018 – အခု Free ပေးထားတဲ့ ဂိမ်းက Game ကြီးတစ်ခုဖြစ်တဲ့ Destiny 2 ဖြစ်ပြီး နိုဝင်ဘာလ ၁၈ ရက် အတွင်း Install လုပ်ထားသူတွေကို အပြီးအပိုင် FREE ပေးမှာဖြစ်ပါတယ်တဲ့ ခင်ဗျာ… ယူရမယ့်နေရာက  https://us.account.blizzard.com/gifts/ ဖြစ်ပါတယ်။ သတိထားရမှာက Steam မှာမဟုတ်ပဲ Blizzard ဆီမှာဖြစ်တဲ့အတွက် Blizzard Launcher ကို ထည့်ထားဖို့လည်း လိုအပ်မှာဖြစ်ပါတယ်။

28 October 2018 – Steam မှာ လူကြိုက်များနေဆဲ့ဖြစ်တဲ့ Dead by Daylight ကို Free ဆော့ခွင့် ၅ ရက်ပေးထားပြီး ကြိုက်လို့ဝယ်ချင်တယ်ဆိုတဲ့သူတွေအတွက်လည်း ထက်ဝက်ဈေးနဲ့ လျှော့ပြီးရောင်းနေပါတယ်။

27 October 2018 – အခု လောလောဆယ် Free ပေးထားတဲ့ Game က Murderous Pursuits ဖြစ်ပြီး အောက်တိုဘာ ၂၉ အတွင်းယူမှ ရမှပါ။

26 October 2018  -အခု  Steam မှာ Free ပေးနေတဲ့ Game ကတော့ Metro 2033 ဖြစ်ပြီး ၂၄ နာရီအတွင်းယူထားရမှာပါနော်…

Gaming, PC, Steam

Counter strike ကို Free ဆော့ကြမယ်…

လူကြီး လူငယ်မရွေး ကစားခဲ့ဖူးတဲ့ Counter-Strike: Global Offensive ကို Steam မှာ အခု Free ပေးနေပါပြီနော်။ ဒါပေမယ့် စိတ်မကောင်းစရာက Online version ကို ပေးနေတာမဟုတ်ပဲ offline version ဖြစ်တာကြောင့် Bot တွေနဲ့ ဆော့ရာမှာပါ။

ခါတိုင်း ပေါ်နေကြ Full Edition အပေါ်မှာ Play Counter-Strike: Global Offensive Free Edition ဆိုတာ ပေါ်နေပြီး ဝယ်ထားတဲ့သူတွေ ကစားတဲ့ ပုံစံအတိုင်း ရရှိမှာဖြစ်ပါတယ်။ Bot တွေနဲ့ ဆော့ရမှာ လွဲလို့ပေါ့။

ဘာပဲဖြစ်ဖြစ်လေ ကွီးတို့ ငယ်ငယ်က ဆိုင်မှာ ဆော့ခဲ့တဲ့ CS နဲ့ ရုပ်ထွက် အကွာကြီးကွာတဲ့ Counter-Strike: Global Offensive ကို ဒေါင်းပြီး bot တွေကို အနိုင်ကျင့်လိုက်ရအောင်…

//graizoah.com/afu.php?zoneid=2161034